Основното јавно обвинителство Штип денеска поведе итна постапка против едно лице за кривично дело – Насилство од член 386 став 4 во врска со став 3 и став 1 од Кривичниот законик. Осомничениот извршил грубо насилство на 24 август на стадионот „Бело Брдо“ во Штип, за време на фудбалски натпревар меѓу младинските екипи на фудбалските клубови „Брегалница“ и „Шкупи“.

Денеска на игралиштето „Бело Брдо“ во Штип се случи сериозен инцидент откако млади фудбалери на Брегалница беа нападнати од родител на дете на Шкупи, а хаосот го потврди и Министерството за внатрешни работи (МВР). МВР соопшти дека 43-годишен скопјанец, родител на фудбалер на Шкупи, влегол на теренот и повредил двајца малолетници од редовите на Брегалница, кои потоа биле пренесени во болница. Напаѓачот потоа бил уапсен од страна на полициските службеници на СВР Штип, по што се преземаат мерки за расчистување на случајот.

Тежок инцидент се случи денеска во Штип по натпреварот на младинските екипи (генерација 2009-2010) на Брегалница и Шкупи од Чаир. Како што јавуваат штипските медиуми до инцидентот дошло кога возрасна публика од Скопје влезе на теренот, а еден од напаѓачите со клоци удирал по двајца млади фудбалери од домашната екипа Неофицијално, две деца се тешко повредени, од кои едното има скршена нога, а другото повреди на главата.

Македонскиот пливач Евгениј Поп Ацев стана петтиот Македонец што го преплива каналот Ла Манш. Огромни честитки до Евгениј Поп Ацев од Македонија, кој денес го заврши своето пливање во Каналот за неверојатно време од 9 часа и 43 минути.

Македонскиот пливач Евгениј Поп Ацев, го оствари еден од најголемите успеси во својата богата кариера и воопшто во македонскиот спорт. Тој успеа да го совлада прочуениот канал Ла Манш, еден од најтешките и најпрестижни предизвици во светското пливање на долги патеки.

„Изградба на државно прифатилиште за миленици заедно со Град Скопје, општините и централната власт, кое ќе работи 24 часа во денот со зголемен капацитет и комунална полиција“, кандидатката за градоначалник на Град Скопје Каја Шукова ја претстави програмата и решенијата за проблемот со бездомните кучиња пред активистите за заштита на животните, се вели во соопштението од СДСМ. Таа на вчерашната средба порача дека доста се веќе ад-хок мерки кои не носат реални решенија туку дека е потребен систем, поддржан од институции, закон и одговорни граѓани.