Претседателот на Србија, Александар Вучиќ, ги повика граѓаните на државата на мир и упати „апел“ дека „Србија не треба да биде уништена“.

Решија да ве блокираат да одите на работа, да ви го блокираат нормалниот живот, да ве блокираат да се чувствувате слободно во вашата земја – рече Вучиќ во видео порака на својот Инстаграм профил.

Сакаме да дозволиме сè – слобода на собирање, на изразување, апсолутно сè – но државата не може и не смее да дозволи ваков вид насилство, затоа што тогаш веќе не е држава, тогаш државата престанува да постои“ – истакна Вучиќ, а потоа заклучи: „Затоа ве молам уште еднаш – размислете, вразумете се, ве молам како Бога!

Тој ги замоли студентите и граѓаните да се откажат од најавените блокади, велејќи дека државата не сака да реагира и дека избегнува употреба на сила, но дека „државата не може и не смее да дозволи ваков вид насилство, бидејќи тогаш веќе не е држава“.

Досега, десетици студенти и антивладини демонстранти се приведени во полициски акции за пробивање на блокадите.

Во соопштението објавено доцна синоќа се наведува дека „против сите оние кои го кршат законот ќе бидат поднесени кривични и прекршочни пријави“.

Студентските групи, кои ги предводат протестите, вчера преку социјалните мрежи повикаа на целосна блокада на Белград, Нови Сад и Ниш на 4 јули, како одговор на, како што велат, „полициската бруталност“.Блокадите и протестите траат од 28 јуни, кога студентите побараа оставки и одговорност од властите заради трагедијата при падот на покривот на главната железничка станица во Нови Сад во ноември минатата година, кога загинаа 16 лица.

Граѓаните се собраа и пред полициската станица Врачар, барајќи ослободување на приведените.

Можам да одам подалеку од мојот збор за да ги спасам животите на другите, бидејќи така како што размислуваат, нема да можат да најдат работа никаде.

Ова се наши деца, можам да им помогнам.