Пристапувањето кон ЕУ е клучен двигател за спроведување на најважните реформи, па затоа е важно Македонија да продолжи да напредува во пристапниот процес, пред се, со спроведување на уставните измени, изјави вечерва еврокомесарката за проширување Марта Кос во обраќањето пред Европскиот парламент во текот на дебата за Извештајот на австрискиот европратеник Томас Вајц за земјава за 2023 и 2024 година.

Секоја влада треба да размисли што и кажуваат нејзините граѓани, изјави Марта Кос, комесарка на ЕУ за проширување, Во интервју за ДВ во врска со протестите во Србија таа вели: „Србија е во многу тешка ситуација и ние, Европската унија, силно го поддржуваме европскиот пат на Србија и на српскиот народ, но се уште има многу да се направи“.

Треба да се информирате, малку да промислите за тоа што го зборувате и да ги прочитате правилата, одговори известувачот за Македонија во Европскиот парламент Томас Вајц на денешната прес-конференција, на забелешките на бугарска новинарска дека неговиот кредибилитет како известувач е доведен во прашање поради наводните сомнежи дека се среќавал со македонски претставници и бил предмет на лобирање.

Европскиот парламент ја повторува својата целосна поддршка на континуираната и доследна посветеност на Македонија за приклучување кон ЕУ и на потребните трансформативни промени што се потребни за исполнување на критериумите за пристапување, ја пофалува посветеноста на земјата на европската интеграција и ги охрабрува континуираните напори за унапредување на реформите усогласени со ЕУ и покрај предизвиците и неуспесите што го тестираа трпението и довербата на македонското општество, се наведува во Предлог-извештајот на австрискиот европратеник Томас Вајц по извештаите на Европската комисија за земјава за 2023 и 2024 година, за кој денеска ќе дебатираат членовите на ЕП во рамки на овонеделната сесија во Стразбур.

Македонија, која ги преживеа балканските војни од 90-тите години на минатиот век без масовно насилство и во која живеат различни луѓе и различни етнички и религиски групи кои успеа да изградат мирно општество, некогаш беше предводник во регионот, кога пред 20 години заедно со Словенија го започнаа пристапниот процес кон ЕУ, изјави вечерва австрискиот европратеник Томас Вајц во обраќањето пред Европскиот парламент во текот на дебата за Неговиот извештај за земјава за 2023 и 2024 година.

Европскиот парламент денеска во рамки на овонеделната сесија во Стразбур ќе гласа за усвојување на Извештајот на австрискиот европратеник Томас Вајц за земјава за 2023 и 2024 година.

Притисоци за реформи и промена на УставотВо Европскиот парламент во Стразбур се води интензивна дебата за извештајот за Северна Македонија, кој ќе биде ставен на гласање на 9 јули.

Во Северна Македонија гледаме многу странско влијание.

По обвинувањата на премиерот дека Бујар Османи, Димитар Ковачевски и Бојан Маричиќ, со прифаќањето на т.н. француски предлог ја поткопале позицијата на Македонија и дека поради тоа се бришат референциите за македонскиот јазик и идентитет од извештајот на ЕП, ексминистерот за надворешни работи вели дека Мицкоски не ја зборува вистинатаПоранешниот министер за надворешни работи Бујар Османи реагира на изјавите на премиерот Христијан Мицкоски во врска со случувањата во Европскиот парламент (ЕП), каде што според најавите од извештајот за С Македонија ќе бидат тргнати референциите за македонскиот јазик и идентитет.

Printscreen / Youtube / Влада Голем број на европратеници нема да го гласаат амандманот со кој се брише македонски идентитет и македонски јазик од Извештајот на Томас Вајц, изјави денеска премиерот на Христијан Мицкоски одговарајќи на новинарско прашање.

Министерот за европски прашања, Орхан Муртезани, ја заокружи својата дводневна работна посета на Француската Република со низа значајни средби посветени на проширувањето на Европската Унија, билатералната соработка со Франција, како и регионалните и геополитичките случувања, во контекст на европската безбедност.

Министерство за европски прашања Во рамки на работната посета на Париз, министерот за европски прашања на Северна Македонија, Орхан Муртезани, оствари средба и со Емануел Пуизе-Жовен, генералниот секретар на Секретаријатот за европски работи (SGAE) – меѓуресорска служба под директна надлежност на премиерот на Франција, задолжена за координација и унапредување на единствената национална позиција на Франција во однос на Европската Унија, како и за мониторинг на транспозицијата на европското право во националното законодавство и синхронизација на политиките меѓу министерствата и европските институции.