Како што соопшти утрово Центарот за управување со кризи (ЦУК) активни се пожарите во село Нивичино, Мал Готен и Малешевските планини во општините Василево, Радовиш и Берово, каде гори нискостеблеста шума, смрека, грмушки и ниска вегетација.

Според најновиот извештај од Центарот за управување со кризи (ЦУК), заклучно со 13:00 часот денеска, состојбата со пожарите на отворен простор покажува дека иако дел од жариштата се ставени под контрола или целосно изгаснати благодарение на ангажманот на сите екипи, седум локации и понатаму се соочуваат со активни пожари.

Во Општина Прилеп активни се пожарите во село Штавица кон селата Чумово, Волково и Прилепец, каде гори ниска вегетација и деградирана шума, а во Општина Желино пожар има помеѓу селата Церово и Групчин, каде гори нискостеблеста и деградирана шума.

Вкупно 38 пожари на отворен простор се евидентирани изминатото деноноќие.

Во Брвеница, Желино и Гостивар, пожарите зафатија ниска вегетација, шума и отпад, но се успешно ликвидирани.

До 18:00 часот на територија на цела држава регистрирани се вкупно 16 пожари на отворен простор, од кои седум се активни, четири се под контрола, а пет се изгаснати, соопшти Центарот за управување со кризи (ЦУК). Активни пожари има на територија на општините Василево, Радовиш и Берово – село Нивичино, кај Готен планина и Малешевски Планини, каде гори нискостеблеста шума, смрека, грмушки и ниска вегетација, во Општина Македонски Брод, кај селото Грешница, каде е зафатена мешана шума и ниска вегетација и меѓу селата Црешнево, Локвица и Крапа (деградирана дабова шума, грмушки и ниска вегетација). Активни пожари има и во општина Ресен, кај селата Шурленци и Езерани (трска и ниска вегетација), општина Желино – меѓу селата Церово и Групчин (нискостеблеста и деградирана шума), општина Прилеп – село Штавица, со ширење кон селата Чумово, Волково и Прилепец (ниска вегетација и деградирана шума) и во општина Шуто Оризари, на улица „Брсјачка Буна“ (ниска вегетација). Под контрола се пожарите кај село Николиќ во општина Дојран, во општина Велес – меѓу селата Џидимирци, Крушје и Иванковци, општина Гостивар – село Симница и во општина Прилеп – меѓу селата Царевиќ и Смолани, место викано Радобилски Рид.

До 13 часот, активни се дури 15 пожари низ државата – 7 беснеат, 4 се ставени под контрола, а 4 конечно изгаснати.

Во изминатото деноноќие, Македонија беа регистрирани вкупно 38 на отворен простор, од кои шест сѐ уште се активни, пет се ставени под контрола, а дури 27 се изгаснати.

Проблематична е и општина Македонски Брод, каде што на неколку фронта околу селата Грешница, Локвица, Крапа и Латово, гори мешана шума, сува трева и деградирана дабова шума.

Најголем дел од нив се регистрирани низ скопскиот регион во Студеничани, Шуто Оризари, Сарај, Кисела Вода и Гази Баба, каде горела сува трева и ѓубре.