Поради уличен дефект Ф-300мм на ул. Владимир Комаров 13 во населба Аеродром, од синоќа од полноќ прекинато е водоснабдувањето за корисниците од Пензионерски Дом, Кипер Маркет и една зграда на истата улица.

На вчерашната седница на Советот на Општина Гази Баба, на иницијатива на градоначалникот Бобан Стефковски, беше донесена Одлука за начинот на применување на ДУП-овите во просторот на Градска четврт ССИ 09. Со оваа Одлука: - Се прекинуваат сите постапки доставени преку системот е-дозволи за подготвителни работи и издавање решенија за градба; - Одлуката се однесува на територијата опфатена со деталните урбанистички планови во оваа четврт; - Не се однесува на барања за реконструкција или адаптација; - Ќе важи во времетраење од една година од денот на нејзиното донесување.

Во Брисел се одржа состанок на кој присуствувале Државниот секретар на Министерството за транспорт на Македонија, Стефан Волкановски, директорот на ЈП Железници Инфраструктура, Синиша Ивановски, заменик-министерот за транспорт и врски на Бугарија, Љубен Нанов, а во организација на Валентина Суперти, директор за Западен Балкан во Директоратот за проширување и Источно соседство (ДГ ЕНЕСТ). На состанокот, како што соопшти Министерството за транспорт, кој се одржал во позитивна и конструктивна атмосфера, како продолжение на последниот состанок во октомври 2024 година, се разменија мислења и се потврди посветеноста и потребата кон финализација на делот од железничкиот коридор VIII.

Во текот на изминатото деноноќие на територија на државата се регистрирани 21 пожар, информира утринава Центарот за управување со кризи (ЦУК). Од нив, три пожари се активни, еден е под контрола, а 17 се изгаснати.

Македонскиот министер за одбрана Владо Мисајловски кој е во работна посета на Обединетото Кралство, утрово се сретна со специјалната претставничка за Западен Балкан, дама Карен Пирс со која разговараше за стабилноста и безбедноста на регионот, геополитичките предизвици и развојот на одбранбената соработка помеѓу двете сојузнички земји.