Вчера изутрината на преминот Табановце двајца бугарски државјани биле уапсени откако при контрола им биле пронајдени и одземени марихуана и други предмети.

Вчера во 5:30 часот на граничен премин „Табановце“, на влез во државата, полициски службеници ги лишиле од слобода Д.И., на возраст од 22 години и 23-годишната Х.Д.М, двајцата од Република Бугарија, затоа што при гранични проверки на автобусот со бугарски национални ознаки, со што допатувале, кај нив биле пронајдени и одземени марихуана и други предмети.

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на тоа како тече изградбата на автопатиштата во државата и до каде е патот Прилеп-Битола, изјави: „Што се однесува до автопатот Прилеп-Битола, можам да кажам дека до крајот на овој месец повеќе од 85% од трасата ќе биде, од аспект на имотно-правни односи, завршена и од аспект на истраги коишто се поврзани со пронаоѓање на експлозивни направи, исто така испитана и завршена, но она коешто за мене е важно, е дека се следи тој рок, се забрза, за разлика од состојбата од пред една година кога беше до никаде, сега можам да кажам дека веќе, последното коешто го разговаравме со изведувачите е дека дваесетина километри фронт е отворен и се работи.

Извештајот од надзорот за прогрес на работите за автопатските делници на коридорите 8 и 10д што ги гради конзорциумот „Бехтел“ и Енка“ за периодот од 1 до 30 април годинава покажува дека се завршени 95 проценти од проекциите за експропријација за автопатската делница Тетово-Гостивар, 46 проценти за Гостивар-Букојчани, а 78 проценти за делницата Прилеп-Битола.

Основното јавно обвинителство Велес поведе постапка и предложи определување мерка притвор за едно лице осомничено за кривично дело – Насилство врз дете од член 201-а и шест кривични дела – Напад на службено лице при вршење работи на безбедноста согласно член 383 став 2 во врска со став 1 од Кривичниот законик, соопшти Јавно обвинителство.

На 16.06.2025 во 23.30 часот во Скопје, на подрачјето на Кисела Вода, полициски службеници од СВР Скопје го лишиле од слобода Д.З.(32) од Скопје.

Против директор на „Комуналец“ во Кичево и четворица вработени, поднесена е кривична пријава за несовесно работење во службата и загрозување на животната средина и природата со отпадни материи.

Во градот Кичево започна плаќањето паркинг.