Оттаму додаваат дека платформата содржи интерактивна мапа „Каде да купам” која преку автоматска геолокација им помага на граѓаните да ги пронајдат најблиските продажни места за домашни земјоделски производи и преработки, со можност за филтрирање по категорија или специфичен производ.

Министерството за земјоделство, шумарство и водостопанство ги повикува сите заинтересирани земјоделци, преработувачи и продажни центри да се регистрираат на платформата makedonskonajdobro.mk и да станат дел од оваа значајна иницијатива.

„Главни цели на кампањата 'Македонско Најдобро' се: зголемување и зајакнување на домашното земјоделско производство, обезбедување просперитет на руралните средини, подигнување на свеста за квалитетот, автентичноста и значењето на домашните производи, обезбедување полесен пристап на граѓаните до домашните земјоделски производи и преработки од истите“, велат од МЗШВ.

Најавуваат дека во скоро време ќе се објави и посебна мобилна апликација која ќе овозможи уште полесен пристап до информации за домашните земјоделски производи и преработки.

Споредувајќи ги првите пет месеци од 2024 година со првите пет месеци од 2025 година во делот на извозот бележиме раст над 50 проценти.

„Примарна цел е да се зголеми и зајакне домашното земјоделско производство, да се обезбеди просперитет на руралните средини, да се подигне свеста за квалитетот, автентичноста и значењето на домашните производи и преработки од истите, како и да се обезбеди полесен пристап на нашите сограѓани до домашните земјоделски производи.

Земјоделците конечно имаат партнер во владата предводена од ВМРО-ДПМНЕ.