Поради технички зафати во електродистрибутивната мрежа, без електрична енергија денеска од 08:00 до 14:00 часот, ќе бидат корисниците од дел од с. Долно Соње, од 09:30 до 11:30 часот, корисниците од улиците Партизански пат, Илија Ристевски и дел од Драчевска во с. Драчево, а од 09:30 до 15:00 часот, корисниците од селата Дејковец и Добрино во Општина Зелениково, соопшти Регионалниот центар за управување со кризи – Скопје.

Времето денеска ќе биде претежно сончево и многу топло.

Топлата воздушна маса од југ, под чие влијание е земјава, денеска се очекува да донесе сончево и уште потопло време, а високите темептратури, според синоптичарите, ќе продолжат и во текот следните денови.

Делегација од Министерството за одбрана, предводена од министерот Владо Мисајловски, ќе престојува во Турција денес и утре.

Делегација од Министерството за одбрана предводена од министерот Владо Мисајловски денеска и утре ќе престојува во Турција, каде по 17-ти пат се одржува еден од најголемите саеми за воена индустрија IDEF 25. Министерот Мисајловски ќе се сретне со својот колега, министерот за национална одбрана Јашар Ѓулер, со претседателот на Агенцијата за одбранбена индустрија на Турција Халук Ѓорѓун, а се очекува и средба со други високи лица од одбранбениот сектор.

Движењето на возила на регионалниот пат Куманово-граничен премин Пелинце, на делот од крстосницата за село Драгоманце до Меморијалниот центар АСНОМ во село Пелинце, денес е запрено заради одржување на велосипедска трка.

Поради одржување велосипедска трка, од 10 до 15 часот денеска ќе биде затворен за сообраќај регионалниот пат Куманово - граничен премин Пелинце.

Пратеничката група на Левица, преку пратеникот Борислав Крмов (како член на собраниската Комисија за прашања на изборите и именувања) ќе поднесе предлог за разрешување на претседателката на ДКСК, Татјана Димитровска.

Претседателот на Собранието, Африм Гаши на денешниот брифинг со новинарите нагласи дека треба да има правосилна судска пресуда за да се почне постапка во законодавниот дом за одземање на мандатот на претседателката на Државната комисија за спречување на корупцијата Татјана Димитровска, која е обвинета за оддавање службена тајна и фалсификување на испитот за добивање безбедносен сертификат.