Градот Зеленоград, во близина на Москва синоќа беше во оган, откако Украина изврши напад со дрон, насочен кон главниот град на Русија, јавија повеќе извори на Телеграм каналите.

Руската воздушна одбрана собори два украински дрона што летаа кон Москва доцна синоќа, изјави градоначалникот Сергеј Собјанин, додека руското Министерство за одбрана објави дека вкупно 46 дрона се уништени во неколку региони.

Пожар избувна во Зеленоград, Московска област, откако Украина започна напад со беспилотни летала насочен кон рускиот главен град, објавија руските канали на Телеграм.

Русија разви одреден имунитет на западните санкции и се навикна на нив, соопшти Кремљ во петокот, откако Европската унија го усвои 18-от пакет санкции против Москва, вклучително и мерки насочени кон нејзината нафтена индустрија, . Пакетот има за цел да ја намали цената што земјите од Г7 ја плаќаат за руската сурова нафта на 47,6 долари за барел, изјавија дипломати за Ројтерс.

Претставничкиот дом на Соединетите Американски Држави гласаше за продолжување на воената помош за Украина, објави синоќа конгресменот Дон Бејкон.

Британскиот премиер Кир Стармер изјави дека испраќањето копнени трупи во Украина претставува реална опција во рамки на „Коалицијата на подготвените“, чија цел е обезбедување траен мир во земјата и спречување на нови агресии од Русија.