Папата Лав Четиринаесетти, кој се наоѓа во својата летна резиденција Кастел Гандолф во близина на Рим, утрово добил барање за телефонски повик од израелскиот премиер Бенјамин Нетанјаху, по вчерашниот израелски воздушен напад врз црквата на „Светото семејство“ во Газа, во кој загинаа три лица, а многу други беа повредени, информираа од Канцеларијата за односи со јавноста на Ватикан.

Папата Лав Четиринаесетти денеска телефонски разговараше со израелскиот премиер Бенјамин Нетанјаху при што го повтори својот апел за преговори и прекин на огнот во Газа, соопшти Канцеларијата за печат на Светата столица.

Претседателот на САД, Доналд Трамп денеска одбележа шест месеци од преземањето на функцијата, пренесуваат американските медиуми.

Израелската армија ги проширува своите операции во градот Деир ал-Балах во центарот на Појасот Газа, според изјавата на портпаролот на армијата, кој денеска ги повика жителите да ја напуштат областа во објава на „X“. Израелските одбранбени сили (ИДФ) продолжуваат „интензивно да работат за елиминирање на терористите и демонтирање на терористичката инфраструктура во областа и ги прошируваат своите активности во нови области, се вели во соопштението на армијата.

Најмалку шест лица беа застрелани во Рафа во јужниот дел на Појасот Газа во близина на дистрибутивниот центар за хуманитарна помош управуван од Хуманитарната фондација Газа (GHF), објавија денес медиумите во Газа.

Највисоката температура на планетата денеска напладне е измерена во градот Омдије, лоциран во југозападниот дел на Иран, каде живата во термометарот се искачи до 49,6°C, според податоците на метеоролошката платформа Огимет, која следи временски услови ширум светот.

78-годишен маж во Италија, кого лекарите го прогласиле за мртов, се разбудил половина час подоцна, соопштија властите.