Претседателот на Украина, Володимир Зеленски, денес по повод Денот на националното знаме изјави дека земјата нема да се откаже од ниту еден дел од својата територија. Тој нагласи дека знамето на Украина е симбол на надеж за граѓаните на привремено окупираните територии.

На почетокот на следната година би можело да се очекува почетокот на постепеното укинување на роамингот за македонските граѓани во ЕУ, најави министерот за надворешни работи и трговија Тимчо Муцунски од Брисел. Тој денеска и утре престојува во работна посета на Брисел, каде денеска се сретна средба со генералниот директор на Директоратот на Европската комисија за проширување и источно соседство, Герт Јан Копман.

Во последните месеци, украинските сили ги засилија нападите врз железниците, клучен транспортен пат за руската војска. Големиот број ракети би можел да го осакати овој канал за транспорт на товар и оружје на фронтот.

Рускиот министер за надворешни работи Сергеј Лавров во неделата ги изложи клучните услови на Русија за постигнување мир во Украина, предлагајќи безбедноста на земјата да биде гарантирана од група нации во кои би биле вклучени постојаните членки на Советот за безбедност на ОН, објави Ројтерс. Во интервју за американската NBC News, Лавров откри дека прашањето за безбедносните гаранции го разговарале рускиот претседател Владимир Путин и американскиот претседател Доналд Трамп, при што Путин потсетил на неуспешните разговори одржани во Истанбул во 2022 година.

Норвешката влада денес објави дека ќе издвои приближно седум милијарди норвешки круни (600 милиони евра) за купување ПВО системи наменети за Украина. „Заедно со Германија, сега работиме на тоа Украина да добие силни системи за против-воздушна одбрана“, изјави норвешкиот премиер Јонас Гар Сторе, додавајќи дека Германија и Норвешка соработуваат многу тесно за да ја поддржат Украина во нејзината борба за одбрана на земјата и заштита на цивилното население од руски воздушни напади, објави Ројтерс.