Во кино „Фросина“ во Младинскиот културен центар (МКЦ) во Скопје, вчера вечер се одржа свеченото отворање на седмото издание на филмската ревија „Златна рамка“ – Денови на македонскиот филм, кое оваа година се одржува во знакот на 75 години постоење на Друштвото на филмски работници на Македонија (ДФРМ). Настанот на едно место обедини филмски уметници, претставници на институции и љубители на македонскиот филм, а воедно претставуваше и можност за одбележување на творештвото и работа на генерации творци.

ФИЛМСКИ СВЕТИЛНИЦИ ВО ЈУЛСКАТА НОЌ Кинотека на Македонија следниот месец нѐ враќа на култните класици – еве што ќе се прикажува Со внимателно куриран репертоар, што ги обединува безвременските холивудски класици и актуелни авторски остварувања, Кинотеката на Македонија уште еднаш ја потврдува својата улога како културна институција што го негува филмското наследство и ја отвора вратата кон новите кинематографски визии.

Од „Кинотека“ најавија „исклучително богата и естетски разновидна филмска програма“ во месецот што следува – јули.

Фонтана „Филип 2„, Камен Мост, парк „Жена борец“, Сквер Јадран, улица Максим Горки, се само некои од локациите на кои деновиве ќе бидат изложени уметнички дела на повеќе уметници, во рамки на изложбата „Скопски урбани приказни“.

Триесетина дела од академскиот сликар Дејан Иванов-Маргуш, учесник на годинашната Меѓународна ликовна колонија „Св.Јоаким Осоговски“, се поставени во уметничката галерија на ЛУ „Градски музеј“, Крива Паланка.

Концерт на импровизирана музика на триото „Додовски, Георгиевски и Спировски“ ќе се одржи вечерва со почеток од 20 часот во социјалниот центар „Дуња“ во Скопје.