Наспроти нашите напори и борби имаме опозиција која боледува од вирусот на безидејноста, која не извлече ниту една лекција зошто се таму каде што се и во таква една ситуација толку се слаби што во овој момент некогаш големата СДСМ се сведе да биде застапник на одредени бугарски интереси и да е нивна продолжена рака, рече претседателот на ВМРО-ДПМНЕ и премиер, Христијан Мицкоски на синоќешната трибина насловена како „Образование и социјална политика, ги градиме темелите на промените“ која се одржа во Кичево, а во организација на ВМРО-ДПМНЕ.

Претседателот на ВМРО-ДПМНЕ и премиер Христијан Мицкоски од говорницата во Кичево го пофали усвојувањето на законите за зголемување на пензиите за 2000 денари и за ваучери за студентите во вредност од 15 300 денари.

Братот на Заев и љубави на Стево, Бојко Борисов се пофали дека го избришал идентитетот и јазикот, изјави Миле Лефков, пратеник и член на ИК на ВМРО-ДПМНЕ.

Бојко Борисов вчера јавно се пофали дека лично го изработил предлогот за бришење на македонскиот идентитет и јазик во резолуцијата во Европскиот парламент.

ВМРО-ДПМНЕ не испорача никакви резултати, единствено што прави е креирање конфликти, поларизирање и правење поделби во општеството, а не прави ништо за подобар живот на граѓаните, истакна заменик претседателката на СДСМ Фани Каранфилова Пановска, во интервју за „Вести плус” на Канал 5 телевизија.

Сериозните обвинувања што се појавија за претседателката на ДКСК, по две основи, мислам дека се повеќе од доволни да си поднесе оставка од морални причини, рече заменик претседателката на СДСМ, Фани Каранфилова Пановска во „Вести плус“ на Канал 5 Телевизија.

Алијанса на Албанците на доскорешниот министер за здравство и експартнер во коалицијата ВЛЕН, Арбен Таравари, сега во опозиција денеска остро ја осуди одлуката на Владата за потпишување меморандум за соработка со „Казанџи холдинг“ и бара негово итно укинување.

Министерот за локална самоуправа, Златко Перински, денеска потенцираше дека општините треба да извршат корекции на финансиските планови и измени во Планот за јавни набавки, по што веднаш можат да започнат процедури за избирање на изведувачи на проекти со кои конкурирале за користење на средства од вториот повик од заемот од Унгарија.