Пожарот што попладнето вчера избувна над магистралниот пат Скопје–Блаце, утрово е ставен под делумна контрола.

Рано утрово по 5 часот e започнато со гасење на големиот пожар на отворен простор, којшто вчера во попладневните часови изби веднаш покрај патот, од Скопје кон Блаце.

Центарот за управување со кризи информира дека до 21 часот на територија на државата се евидентирани 25 пожари на отворен простор.

Според Центарот за управување со кризи (ЦУК) на територијата на земјава до 18 часот биле регистрирани 17 пожари на отворен простор, од кои активни во 18 часот биле 6, локализиран 1, а изгаснати 10. Во оваа статистика не е вклучен пожарот кај Психијатриска болница Бардовци.

Хеликоптер од Министерството за внатрешни работи веќе интервенира во гаснењето на пожарот кој избувна над магистралниот пат Скопје – Граничен премин Блаце, на потегот пред тунелот, на десната страна од коловозот.

Центарот за управување со кризи (ЦУК) упати барање за воздухопловна поддршка до МВР, по добиена пријава преку бројот за итни повици 112.

Добивај вести на Viber Хеликоптер на Министерството за внатрешни работи е активиран во гаснење на пожарот што избувна покрај патот кон граничниот премин Блаце, а сообраќајот на патот кон преминот се одвива наизменично, информираа од Центарот за управување со кризи и АМСМ.- Хеликоптерот моментално е активен на терен и активно учествува во гаснењето на големиот пожар што избувна над магистралниот пат Скопје – Граничен премин Блаце - објави ЦУК споделувајќи фотографии и од директорот Мухамед Али кој од терен ја координира акцијата за справување со пожарот.

Утрово трите хеликоптери (два на МВР и еден на АРМ) во 05.00 часот почнаа со дејство над пожарот на територијата на Општина Чучер Сандево, селата Чучер и Блаце, извести ЦУК.

ЕВАКУИРАНИ СЕ ПАЦИЕНТИТЕ И ПЕРСОНАЛОТ Пожар избувна во дворот на болницата Бардовци фото: ЦУК Пожарот во скопската населба Геге и во дел од дворот на Психијатриската болница Бардовци е под контрола, а пациентите и персоналот се евакуирани, информираат од Центарот за управување со кризи.