Целта е напредок во преговорите меѓу Русија и Украина, а конфликтот нема да заврши воено, туку дипломатски рече американскиот државен секретар Марко Рубио, денеска во Анталија, пред средбата со генералниот секретар на НАТО Марк Руте.

Во Истанбул денеска се одржуваат преговори за завршување на војната во Украина.

Висок поранешен функционер на Кремљ, кој сакал да остане анонимен поради чувствителноста на темата, рекол дека Русија, на претстојните разговори во Истанбул, ќе ја претставуваат министерот за надворешни работи, Сергеј Лавров, и претседателскиот советник за надворешна политика, Јуриј Ушаков, . Ова ќе бидат први директни преговори меѓу Русија и Украина од 2022 година, а беа иницирани од претседателот на Русија, Владимир Путин, како одговор на зголемените западни барања Русија да се согласи на 30-дневен прекин на огнот како чекор кон потрајниот мир.

Советникот на иранскиот ајатолах Али Шамкани изјави дека Техеран е подготвен да го прифати договорот со САД за иранската нуклеарна програма во замена за укинување на санкциите.

Иран предложи да создаде нуклеарен конзорциум со други земји од Заливот во услови на разговори на високо ниво со САД, според извештаи во ирански и меѓународни медиуми.

Американскиот претседател Доналд Трамп, на покана на саудискиот престолонаследник Мохамед бин Салман, денеска се сретна со сирискиот претседател Ахмед ал-Шара, соопшти портпаролката на Белата куќа Каролин Ливит.

Претседателот на САД Доналд Трамп изјави дека ќе ги укине санкциите против Сирија, пред очекуваната средба со нејзиниот лидер Ахмед ал-Шара, јави Би-Би-Си. Трамп се согласи да се сретне со привремениот претседател на Сирија денеска во Саудиска Арабија, како дел од неговата турнеја низ Блискиот Исток, соопшти Белата куќа.