Премиерот Христијан Мицкоски денеска рече дека, поради локалните избори, ребаланс на Буџетот ќе има најверојатно на крајот на јуни.

Министерот за здравство Арбен Таравари и предводник на едното крило на Алијанса за Албанците (AA) реагираше преку Фејсбук во врска со вчерашните политички случувања.

Премиерот Христијан Мицкоски вчера најави дека најверојатно денеска ќе има средба со Арбен Таравари за неговото натамошно функционирање во Владата и евентуалната соработка со ДУИ на локални избори.

Ако е мудар како што се претставува, Ахмети ќе извлече поука и наместо да се заканува, ќе направи структурни реформи, и програмски и кадровски во неговата партија и со нови ликови, нова програма ќе излезе пред македонските граѓани да ја бара довербата, рече денеска премиерот Христијан Мицкоски.

Демократската унија за интеграција (ДУИ) реагираше на последните изјави на Христијан Мицкоски, лидер на ВМРО-ДПМНЕ, кој според ДУИ, се обидеел да наметне свои предлози за коалиции на албанската политичка сцена.

Премиерот Христијан Мицкоски денеска одговарајќи на новинарско прашање во однос на новонајавените инвестиции во Штип, изјави: – Да, најавивме нова инвестиција којашто ќе се случи за 10 до 12 дена од денеска, неколку десетици милиони евра и повеќе од две стотини вработени.

Новата милионска инвестиција со над 200 вработувања што ја најави вчера премиерот Христијан Мицкоски ќе се реализира во индустриската зона во Скопје.

Со панихида отслужена од поглаварот на Македонската православна црква - Охридска архиепископија г.г. Стефан, во сослужение со свештениците од Скопската епархија, денеска во црквата „Свети Спас“ почна одбележувањето 122 години од смртта на великанот на македонското револуционерно дело Гоце Делчев.

Во земјава денеска се одбележуваат 122 години од смртта на македонскиот револуционер и борец за слобода Гоце Делчев.

Министерот за одбрана Владо Мисајловски преку својот фејсбук профил изрази почит по повод 122 години од смртта на македонскиот револуционер Гоце Делчев.

Вчера во периодот од 14.00 до 20.00 часот, полициски службеници од Полициската станица за безбедност на патниот сообраќај Тетово и Полициското одделение за безбедност на патниот сообраќај Гостивар извршиле акциска контрола за пречекорување на максимално дозволената брзина во и надвор од населено место.

Народот не заборава кој гради, а кој саботираше, а оние кои го саботираа немаат ниту морално, ниту политичко право денес да го присвојуваат – се вели во реакцијата на Демократската унија за интеграција по вчерашниот настан на свеченото започнување на градежните работи на делницата Тетово – Гостивар, дел од Коридорот 8. Одговорот на ДУИ следува откако вчера, првиот вицепремиер и министер за животна средина Изет Меџити, на официјалното започнување на градежните работи на автопатот Тетово – Гостивар, рече дека наместо фотообјективи, околу нив се слуша звукот на багери, камиони и булдожери, а само пред неколку години единствените градежни активности тука беа гламурозни прес-конференции и ленти кои никогаш не беа пресечени со асфалт, најверојатно мислејќи на фактот што минатата влада, која беше потписник на договорот со „Бехтел и Енка“ за изградба на автопатите од коридорите 8 и 10-д, во два наврати организира прес-конференции на две точки каде што треба да поминуваат делниците.

Камен-темелник за изградба на автопатот Тетово-Гостивар во должина од околу 18 километри беше поставен денеска, а се очекува тој да биде завршен во 2027 година.