Израелската армија ги проширува своите операции во градот Деир ал-Балах во центарот на Појасот Газа, според изјавата на портпаролот на армијата, кој денеска ги повика жителите да ја напуштат областа во објава на „X“. Израелските одбранбени сили (ИДФ) продолжуваат „интензивно да работат за елиминирање на терористите и демонтирање на терористичката инфраструктура во областа и ги прошируваат своите активности во нови области, се вели во соопштението на армијата.

Најмалку шест лица беа застрелани во Рафа во јужниот дел на Појасот Газа во близина на дистрибутивниот центар за хуманитарна помош управуван од Хуманитарната фондација Газа (GHF), објавија денес медиумите во Газа.

Израелскиот премиер Бенјамин Нетанјаху се опоравува по труењето со храна, соопшти денеска неговиот кабинет, додавајќи дека тој ќе продолжи да ги извршува своите должности од дома во следните три дена.

78-годишен маж во Италија, кого лекарите го прогласиле за мртов, се разбудил половина час подоцна, соопштија властите.

Највисока температура денеска напладне е измерена во градот Омдије во југозападниот дел на Иран, каде температурата достигна 49,6 степени, се наведува на веб-страницата Огимет, која собира податоци за метеоролошката состојба од целиот свет.

Ал Валид бин Халед бин Талал, познат на милиони како „Заспаниот принц“ на Саудиска Арабија, почина откако помина 20 години во кома, објави неговото семејство, а пренесува The National.